Për Këshillin Konsultativ të Biznesit

Lloji: Ligj

Fletore Zyrtare: nr. 108, datë 2006-10-16

LIGJ

Nr.9607, datë 11.9.2006

PËR KËSHILLIN KONSULTATIV TË BIZNESIT

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi

Këshilli Konsultativ i Biznesit (KKB) është organ këshillimor i Këshillit të Ministrave për

zhvillimin e politikave ekonomike dhe për përmirësimin e kuadrit ligjor përkatës.

Neni 2

Objekti i veprimtarisë

1. Objekti i veprimtarisë së Këshillit Konsultativ të Biznesit është përgatitja e rekomandimeve

për Këshillin e Ministrave dhe Kuvendin, nëpërmjet dialogut shtet-privat në:

a) procesin e hartimit të strategjive dhe të programeve qeveritare të zhvillimit të ekonomisë;

b) procesin e përgatitjes së Buxhetit të Shtetit dhe të paketave fiskale;

c) politikat e privatizimit;

ç) politikat e prokurimit publik;

d) politikat e nxitjes së investimeve;

dh) politikat e zhvillimit të tregtisë dhe të biznesit;

e) politikat e konkurrencës, mbikëqyrjes së tregut dhe mbrojtjes së konsumatorëve.

2. KKB -ja ia dërgon përfundimet dhe rekomandimet e saj Këshillit të Ministrave dhe

Kuvendit. Projektaktet e përgatitura nga institucionet qendrore të administratës, sipas objektivave të

përcaktuar në pikën 1 të këtij neni, i dërgohen për mendim KKB-së.

Neni 3

Burimet e financimit

Burimet e financimit të KKB-së janë:

1. Buxheti i Shtetit.