Për ratifikimin e “Marrëveshjes ndërmjet Këshillit të Ministrave të Republikës së Shqipërisë dhe Qeverisë së Shtetit të Izraelit për shërbimin ajror”

Lloji: Ligj

Fletore Zyrtare: nr. 108, datë 2006-10-16

LIGJ

Nr.9610, datë 18.9.2006

PËR RATIFIKIMIN E “MARRËVESHJES NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË SHTETIT TË IZRAELIT PËR SHËRBIMIN AJROR”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja ndërmjet Këshillit të Ministrave të Republikës së Shqipërisë dhe Qeverisë së Shtetit të Izraelit për shërbimin ajror”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5060, datë 4.10.2006 të Presidentit të Republikës së Shqipërisë, Alfred Moisiu

MARRËVESHJE SHËRBIMI AJROR

NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË SHTETIT TË IZRAELIT

Këshilli i Ministrave të Republikës së Shqipërisë dhe Qeveria e Shtetit të Izraelit, që këtu quhen “Palët Kontraktuese”;

duke qenë palë në Konventën për Aviacion Ndërkombëtar Civil të hapur për nënshkrim në Çikago më 17 dhjetor 1944; dhe

duke njohur rëndësinë e transportit ajror si një mjet për krijimin dhe mbajtjen e miqësisë, mirëkuptimit dhe bashkëpunimit ndërmjet popujve të të dy vendeve; dhe

duke dashur të nxisin zhvillimin e transportit ajror ndërmjet Shqipërisë dhe Izraelit dhe të ofrojnë në masën më të plotë bashkëpunimin ndërkombëtar në këtë fushë; dhe