Për disa shtesa dhe ndryshime në ligjin nr. 116/2014, “Për akreditimin e organeve të vlerësimit të konformitetit në Republikën e Shqipërisë”

Lloji: Ligj

Fletore Zyrtare: nr. 173, datë 2023-12-01

LIGJ

Nr. 92/2023

PËR DISA SHTESA DHE NDRYSHIME NË LIGJIN NR. 116/2014,

“PËR AKREDITIMIN E ORGANEVE TË VLERËSIMIT TË KONFORMITETIT

NË REPUBLIKËN E SHQIPËRISË”1

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 116/2014, “Për akreditimin e organeve të vlerësimit të konformitetit” bëhen këto

shtesa dhe ndryshime:

Neni 1

Pas pikës 16, të nenit 3, shtohet pika 17 me këtë përmbajtje:

“17. “Biobankë” është një organ që ruan mostra biologjike njerëzore dhe informacione shoqëruese

të organizuara në mënyrë sistematike për qëllime kërkimore.”.

Neni 2

Në pikën 1, të nenit 5, bëhen ndryshimi dhe shtesat e mëposhtme:

a) shkronja “c” ndryshohet si më poshtë:

“c) organe certifikuese të personave;”;

b) pas shkronjës “e” shtohen shkronjat: “ë”, “f” dhe “g” me këtë përmbajtje:

“ë) organe që kryejnë verifikimin dhe vlefshmërinë si aktivitet të vlerësimit të konformitetit;

f) biobanka;

g) organe të tjera që kryejnë veprimtari të vlerësimit të konformitetit.”.

Neni 3

Pas shkronjës “g”, të nenit 6, shtohet shkronja “gj” me këtë përmbajtje:

“gj) promovon rolin dhe rëndësinë e akreditimit.”.

Neni 4

Në nenin 9 bëhen ndryshimet e mëposhtme:

1. Pika 1 ndryshohet si më poshtë:

“1. Drejtoria e Përgjithshme e Akreditimit organizohet në mënyrë të pavarur nga organet e