PËR DISA SHTESA DHE NDRYSHIME NË LIGJIN NR.9643, DATË 20.11.2006 "PËR PROKURIMIN PUBLIK"

Lloji: Ligj

Fletore Zyrtare: nr. 184, datë 2007-12-31

LIGJ

Nr.9855, datë 26.12.2007

PËR DISA SHTESA DHE NDRYSHIME NË LIGJIN NR.9643, DATË 20.11.2006 "PËR PROKURIMIN PUBLIK"

Në mbështetje të neneve 78 e 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.9643, datë 20.11.2006 "Për prokurimin publik", bëhen këto shtesa dhe ndryshime:

Neni 1

Në nenin 3 “Përkufizime", pas pikës 8 shtohet pika 8/1 me këtë përmbajtje:

“8/1. “Marrëveshja publike kuadër” është marrëveshja ndërmjet autoritetit kontraktor dhe një ose më shumë operatorëve ekonomikë për prokurimin e energjisë elektrike dhe të hidrokarbureve, e cila ka për qëllim të krijojë kuadrin e përgjithshëm për lidhjen e kontratave të veçanta për mallrat që do të prokurohen gjatë një periudhe të caktuar kohore.”.

Neni 2

Në nenin 7 "Përjashtimet e veçanta" bëhen shtesa dhe ndryshimi si më poshtë:

a) Pas shkronjës "d" shtohet shkronja "dh" me këtë përmbajtje:

"dh) blerjen e energjisë elektrike të prodhuar në vend."

b) Në paragrafin e fundit shkronja "d" zëvendësohet me shkronjën "dh".

Neni 3

Pas nenit 11 shtohet neni 11/1 me këtë përmbajtje:

“Neni 11/1

Marrëveshja publike kuadër