Për aderimin e Republikës së Shqipërisë në “Marrëveshjen europiane për linjat e rëndësishme ndërkombëtare të transportit të kombinuar dhe instalimet përkatëse (AGTC)”

Lloji: Ligj

Fletore Zyrtare: nr. 28, datë 2008-02-29

LIGJ

Nr.9873, datë 14.2.2008

PËR ADERIMIN E REPUBLIKËS SË SHQIPËRISË NË “MARRËVESHJEN EUROPIANE PËR LINJAT E RËNDËSISHME NDËRKOMBËTARE TË TRANSPORTIT TË KOMBINUAR DHE INSTALIMET PËRKATËSE (AGTC)”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në “Marrëveshjen europiane për linjat e rëndësishme ndërkombëtare të transportit të kombinuar dhe instalimet përkatëse (AGTC)”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5633, datë 25.2.2008 të Presidentit të Republikës së Shqipërisë, Bamir Topi

ECETRANS/88.REV3

KOMISIONI EKONOMIK PËR EUROPËN

KOMITETI PËR TRANSPORTIN TOKËSOR

MARRËVESHJA EUROPIANE

MBI LINJAT E RËNDËSISHME NDËRKOMBËTARE TË TRANSPORTIT TË KOMBINUAR DHE INSTALIMET PËRKATËSE (AGTC)

PËRFUNDUAR NË GJENEVË MË 1 SHKURT 1991

Shënim.

Ky dokument përmban tekstin e Marrëveshjes së AGTC-së, përfshirë procesverbalin e korrigjimeve, siç është njoftuar në Lajmërimin e Depozitarit C.N.347.1992. TRAKTATE-7, datë 30 dhjetor 1992 dhe amendamentet e mëposhtme në Marrëveshjen AGTC:

a) Lajmërimet e Depozitarit C.N.345.1997.TRAKTATE-2 dhe C.N.91.1998. TRAKTATE-1, i cili ka hyrë në fuqi më 25 qershor 1998.

b) Lajmërimi i Depozitarit C.N.230.2000. TRAKTATE-1 dhe C.N.983.2000. TRAKTATE-2, i cili ka hyrë në fuqi më 1 shkurt 2001.