Për disa ndryshime në ligjin nr. 9975, datë 28.7.2008, "Për taksat kombëtare", të ndryshuar

Lloji: Ligj

Fletore Zyrtare: nr. 187, datë 2023-12-22

LIGJ

Nr. 96/2023

PËR DISA NDRYSHIME NË LIGJIN NR. 9975, DATË 28.7.2008,

“PËR TAKSAT KOMBËTARE”, TË NDRYSHUAR

Në mbështetje të neneve 78, 83, pika 1, dhe 155 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 9975, datë 28.7.2008, “Për taksat kombëtare”, të ndryshuar, bëhen këto ndryshime:

Neni 1

Në pikën 6, të nenit 3, fjalët “për qymyrin (sipas krerëve të NKM-së 2701; 2702)” zëvendësohen me

fjalët “për qymyrin (sipas krerëve të NKM-së 2701; 2702; 2704)”.

Neni 2

Pika 6, e nenit 4, ndryshohet si më poshtë:

“6. Taksa e karbonit caktohet në masën:

a) 1,5 lekë për litër për benzinën;

b) 3 lekë për litër për gazoilin;

c) për qymyrin:

i. 4,5 lekë për kilogram nga data 1 korrik 2026;

ii. 6.5 lekë për kilogram për vitin 2027;

iii. 9 lekë për kilogram për vitin 2028;

iv. 12 lekë për kilogram për vitin 2029;

v. 15.3 lekë për kilogram për vitin 2030 dhe në vazhdim;

ç) 3 lekë për litër për solarin;

d) 3 lekë për litër për mazutin;

dh) 3 lekë për litër për vajgurin;

e) 3 lekë për kilogram për koks nafte.

Kjo taksë nuk paguhet për sasitë e benzinës e të gazoilit që eksportohen.”.

Neni 3

Ky ligj hyn në fuqi 15 ditë pas botimit në Fletoren Zyrtare.

Miratuar në datën 7.12.2023.

Shpallur me dekretin nr. 373, datë 20.12.2023, të Presidentit të Republikës së Shqipërisë,

Bajram Begaj.