Për ratifikimin e marrëveshjes së huas ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim për financimin e projektit "Qëndrueshmëria ndaj klimës dhe zhvillimit të bujqësisë"

Lloji: Ligj

Fletore Zyrtare: nr. 193, datë 2023-12-29

LIGJ

Nr. 98/2023

PËR RATIFIKIMIN E MARRËVESHJES SË HUAS NDËRMJET REPUBLIKËS

SË SHQIPËRISË DHE BANKËS NDËRKOMBËTARE PËR RINDËRTIM

DHE ZHVILLIM PËR FINANCIMIN E PROJEKTIT “QËNDRUESHMËRIA

NDAJ KLIMËS DHE ZHVILLIMIT TË BUJQËSISË”

Në mbështetje të neneve 78, 83, pika 1, dhe 121, pika 1, shkronja “ç”, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja e huas ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim për financimin e projektit “Qëndrueshmëria ndaj klimës dhe zhvillimit të bujqësisë”, sipas tekstit që i bashkëlidhet këtij ligji dhe është pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 14.12.2023.

Shpallur me dekretin nr. 393, datë 27.12.2023, të Presidentit të Republikës së Shqipërisë, Bajram Begaj.

NUMRI I HUAS 94890-AL

MARRËVESHJA E HUAS

(PROJEKTI “QËNDRUESHMËRIA NDAJ KLIMËS DHE ZHVILLIMIT TË BUJQËSISË”)

NDËRMJET REPUBLIKËS SË SHQIPËRISË DHE BANKËS NDËRKOMBËTARE PËR RINDËRTIM DHE ZHVILLIM

MARRËVESHJE HUAJE

Marrëveshje e datës së nënshkrimit ndërmjet Republikës së Shqipërisë (“Huamarrësi”) dhe Bankës Ndërkombëtare për Rindërtim dhe Zhvillim (“Banka”). Huamarrësi dhe Banka me anë të kësaj bien dakord si më poshtë:

Neni I

Kushtet e Përgjithshme; Përkufizimet