PËR DISA NDRYSHIME DHE SHTESA NË LIGJIN NR.8331, DATË 21.4.1998 “PËR EKZEKUTIMIN E VENDIMEVE PENALE”

Lloji: Ligj

Fletore Zyrtare: nr. 190, datë 2008-12-31

LIGJ

Nr.10 024, datë 27.11.2008

PËR DISA NDRYSHIME DHE SHTESA NË LIGJIN NR.8331, DATË 21.4.1998 “PËR EKZEKUTIMIN E VENDIMEVE PENALE”

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.8331, datë 21.4.1998 “Për ekzekutimin e vendimeve penale”, bëhen këto ndryshime dhe shtesa:

Neni 1

Në nenin 1, paragrafi i dytë shfuqizohet.

Neni 2

Në nenin 16 bëhen këto ndryshime:

a) Titulli ndryshohet si më poshtë:

“Detyrat e Policisë së Shtetit”.

b) Në paragrafin e parë, fjalët “Ministria e Brendshme, nëpërmjet Policisë së Rendit,” zëvendësohen me fjalët “Policia e Shtetit”.

c) Në paragrafin e dytë, fjalët “Ministria e Rendit” zëvendësohen me fjalët “Policia e Shtetit”.

ç) Paragrafi i tretë ndryshohet si më poshtë:

“Policia e Shtetit, në bazë të një kërkese ose me nismën e vet, mbështet veprimet e policisë gjyqësore, të policisë ushtarake, policisë së burgjeve dhe të organeve të tjera përkatëse, të ngarkuara, sipas këtij ligji, për ekzekutimin e vendimeve penale, që kanë marrë formë të prerë apo që kanë ekzekutim të menjëhershëm.”.

Neni 3

Neni 17 ndryshohet si më poshtë:

“Neni 17

Ekzekutimi nga shërbimi i përmbarimit gjyqësor