PËR DISA NDRYSHIME NË LEGJISLACIONIN NË FUQI PËR LICENCAT, AUTORIZIMET DHE LEJET NË REPUBLIKËN E SHQIPËRISË

Lloji: Ligj

Fletore Zyrtare: nr. 86, datë 2009-06-12

3759

LIGJ

Nr.10 137, datë 11.5.2009

PËR DISA NDRYSHIME NË LEGJISLACIONIN NË FUQI PËR LICENCAT,

AUTORIZIMET DHE LEJET NË REPUBLIKËN E SHQIPËRISË

Në mbështetje të neneve 78, 81 dhe 83, pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Përkufizim i termave

1. Ligji nr.10081, datë 23.2.2009 “Për licencat, autorizimet dhe lejet në Republikën e

Shqipërisë”, përmendet më tej në këtë ligj me shkurtimin “Ligji për licencat”.

2. Termat e përdorur në ligjin për licencat kanë të njëjtin kuptim edhe në këtë ligj.

KREU II

NDRYSHIME NË LIGJET E NDRYSHME, SIPAS FUSHAVE TË VEPRIMTARIVE DHE/OSE

PËRDORIMIT TË TË MIRAVE

SEKSIONI I PARË

FUSHA E SIGURISË KOMBËTARE, RENDIT PUBLIK DHE MBROJTJES CIVILE

Neni 2

Ndryshime në ligjin nr.7566, datë 25.5.1992 “Për armët”, të ndryshuar

Në ligjin nr.7566, datë 25.5.1992 “Për armët”, të ndryshuar, bëhen këto ndryshime:

1. Neni 3 ndryshohet si më poshtë:

“Neni 3

Veprimtaritë e prodhimit dhe/ose ndreqjes së armëve të zjarrit, të përcaktuara në këtë ligj,

përfshihen në kategorinë I.1 të shtojcës së ligjit për licencat . Këto veprimtari licencohen në përputhje

me dispozitat vijuese të këtij ligji. Prodhimi kryhet vetëm nga subjekte ku shteti kontrollon të drejtat

pronësore. Ndreqja e armëve mund të bëhet edhe nga subjekte pri vate. Miratimi në heshtje nuk