Për disa ndryshime në ligjin nr.8246, datë 1.10.1997 “Për Institutin e Integrimit të të Përndjekurve”

Lloji: Ligj

Fletore Zyrtare: nr. 71, datë 2010-06-08

LIGJ

Nr.10 278, datë 13.5.2010

PËR DISA NDRYSHIME NË LIGJIN NR. 8246, DATË 1.10.1997 “PËR INSTITUTIN E

INTEGRIMIT TË TË PËRNDJEKURVE”

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8246, datë 1.10.1997 “Për Institutin e Integrimit të të Përndjekurve”, bëhen

këto ndryshime:

Neni 1

Neni 1 ndryshohet si më poshtë:

“Neni 1

Instituti i Integrimit të të Përndjekurve (IIP), si institucion shtetëror, në varësi të Ministrit

të Drejtësisë, ka për qëllim të marrë të gjitha masat dhe të ndjekë të gjitha çështjet që kanë të

bëjnë me integrimin në jetën e shoqërisë shqiptare të ish -të përndjekurve politikë nga regjimi

komunist.”.

Neni 2

Në nenin 3 bëhen këto ndryshime:

a) Paragrafi i parë ndryshohet si më poshtë:

“Struktura dhe organika e IIP-së miratohen me urdhër të Kryeministrit, me propozimin e

Ministrit të Drejtësisë, ndërsa rregullorja e funksionimit të institutit miratohet nga Ministri i

Drejtësisë.”.

b) Në paragrafin e dytë, emërtimi “Këshilli i Ministrave” zëvendësohet me emërtimin

“Ministri i Drejtësisë”.

Neni 3

Në nenin 4 bëhen këto ndryshime:

a) Paragrafi i parë ndryshohet si më poshtë:

“Për të siguruar veprimtarinë e tij, IIP-ja mbështetet në një fond buxhetor, i cili miratohet

si zë i veçantë në buxhetin e Ministrisë së Drejtësisë.”.