PËR STANDARDIZIMIN USHTARAK NË FORCAT E ARMATOSURA TË REPUBLIKËS SË SHQIPËRISË

Lloji: Ligj

Fletore Zyrtare: nr. 159, datë 2010-12-03

LIGJ

Nr.10 341, datë 28.10.2010

PËR STANDARDIZIMIN USHTARAK NË FORCAT E ARMATOSURA

TË REPUBLIKËS SË SHQIPËRISË

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Objekti

Objekt i këtij ligji është përcaktimi i rregullave për:

a) organizimin dhe funksionimin e sistemit të standardizimit ushtarak në Forcat e Armatosura

të Republikës së Shqipërisë;

b) përcaktimin e strukturave dhe të përgjegjësive të tyre;

c) dhënien e fuqisë autoritetit më të lartë për pranimin e marrëveshjeve të standardizimit

STANAG/AP të NATO -s dhe të standardeve për përdorim nga njësitë e Forcave të Armatosura në

fushën operacionale, materiale e administrative.

Neni 2

Qëllimi

Qëllimi i këtij ligji është krijimi i kuadrit ligjor për standardizimin ushtarak në Forcat e

Armatosura të Republikës së Shqipërisë, përfshirë procedurat e nevojshme për përzgjedhjen,

pranimin, publikimin e zbatimin e marrëveshjeve të standardizimit STANAG/A P-ve të NATO -s dhe

të standardeve civile për përdorim nga njësitë e Forcave të Armatosura.

Neni 3

Përkufizime

Në këtë ligj termat e mëposhtëm kanë këto kuptime:

1. “Standardizim” është zhvillimi dhe zbatimi i koncepteve, i procedurave dhe i rregullave të

përbashkëta, me synimin për të zhvilluar e për të mbajtur kapacitetet e duhura operacionale në tri