PËR NJË NDRYSHIM DHE SHTESË NË LIGJIN NR. 8093, DATË 21.3.1996 “PËR REZERVAT UJORE”, TË NDRYSHUAR
Ligji nr. 10345, datë 4 nëntor 2010, nga Kuvendi i Shqipërisë.
- Numri
- 10345
- Data e miratimit
- 4 nëntor 2010
- Botuar në Fletoren Zyrtare
- nr. 159, 3 dhjetor 2010
- Hyn në fuqi
- 18 dhjetor 2010
- Teksti zyrtar
- Qendra e Botimeve Zyrtare
Fillimi i tekstit
Lloji: Ligj
Fletore Zyrtare: nr. 159, datë 2010-12-03
LIGJ
Nr.10 345, datë 4.11.2010
PËR NJË NDRYSHIM DHE SHTESË NË LIGJIN NR. 8093, DATË 21.3.1996 “PËR
REZERVAT UJORE”, TË NDRYSHUAR
Në mbështetje të neneve 78 dhe 83 pika 1 të Kushtetutës, me propozimin e Këshillit të
Ministrave,
KUVENDI
I REPUBLIKËS SË SHQIPËRISË
VENDOSI:
Në ligjin nr.8093, datë 21.3.1996 “Për rezervat ujore”, të ndryshuar, bëhet ndryshimi dhe
shtesa si më poshtë:
Neni 1
Në nenin 61 paragrafi i dytë shkronja “a”, shifra “500 000 (pesëqind mijë) lekë”
zëvendësohet me shifrën “2 000 000 (dy milionë) lekë”.
Neni 2
Pas nenit 71 shtohet neni 71/1 me këtë përmbajtje:
“Neni 71/1
Këshilli i Ministrave miraton formularin përkatës, ku dokumentohen procedurat e zbatuara
nga Inspektorati Ndërtimor Urbanistik Kombëtar, sipas përcaktimeve të shkronjës “c” të nenit 61 të
këtij ligji.”.
Neni 3
Ky ligj hyn në fuqi 15 ditë pas botimit në Fletoren Zyrtare.
Shpallur me dekretin nr.6769, datë 15.11.2010 të Presidentit të Republikës së Shqipërisë,
Bamir Topi
Kopje jozyrtare. Fuqi ligjore ka vetëm teksti i botuar në Fletoren Zyrtare. Statusin e aktit kontrollojeni te burimi zyrtar. Kjo nuk është këshillë juridike.