PËR ARTIN DHE KULTURËN

Lloji: Ligj

Fletore Zyrtare: nr. 166, datë 2010-12-15

LIGJ

Nr.10 352, datë 18.11.2010

PËR ARTIN DHE KULTURËN

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Ky ligj përcakton parimet e përgjithshme, rregullat e organizimit, të funksionimit, realizimit

dhe financimit të artit e të kulturës, si dhe të drejtat e detyrimet e subjekteve, që kanë për objekt

veprimtarie artin dhe kulturën.

Neni 2

Qëllimi

Qëllimi i këtij ligji është nxitja, mbështetja dhe zhvillimi i krijimtarisë e i veprimtarisë së

subjekteve të artit e të kulturës për krijimin, ekzekutimin dhe kultivimin e veprave të të gjitha gjinive

të artit dhe kulturës.

Neni 3

Subjektet dhe fusha e zbatimit

Ky ligj zbatohet për të gjithë personat fizikë e juridikë, vendas e të huaj, që ushtrojnë

veprimtari në fushën e prodhimit dhe të shfaqjes së veprës artistike kulturore në territorin e Republikës

së Shqipërisë.

Neni 4

Përkufizime

Në këtë ligj termat e mëposhtëm kanë këto kuptime:

1. “Art” është forma e pasqyrimit të botës nëpërmjet riprodhimit të realitetit në mënyrë

krijuese me anë figurash artistike dhe veprimtaria artistike.

2. “Fond publik i artit dhe kulturës” është fondi buxhetor që krijohet nga shtet i për

mbështetjen dhe fuqizimin e artit e të kulturës në vend, i cili ka rol të drejtpërdrejtë në rritjen e klimës