PËR AVOKATINË NË REPUBLIKËN POPULLORE SOCIALISTE TË SHQIPËRISË

Lloji: Ligj

Fletore Zyrtare: nr. 3, datë 1990-05-14

LIGJ

Nr.7382, datë 8.5.1990

PËR AVOKATINË NË REPUBLIKËN POPULLORE SOCIALISTE TË SHQIPËRISË

Në mbështetje të nenit 67 të Kushtetutës, me propozimin e Këshillit të Ministrave

KUVENDI POPULLOR

I REPUBLIKËS POPULLORE SOCIALISTE TË SHQIPËRISË

VENDOSI:

Neni 1

Avokatia ka për detyrë t’u japë ndihmë juridike shtetasve shqip tarë a të huaj, institucioneve,

ndërmarrjeve, kooperativave bujqësore, organizatave shoqërore, si dhe personave juridikë të huaj. Në

plotësimin e detyrave të saj, avokatia i shërben mbrojtjes së të drejtave dhe interesave të ligjshme të

shtetasve, edukimit të tyre me frymën e respektimit e të zbatimit të përpiktë të ligjeve e rregullave të

bashkëjetesës socialiste, parandalimit të shkeljeve të ligjeve dhe të mosmarrëveshjeve juridike civile.

Neni 2

Avokati ushtron detyrën e tij, duke marrë pjesë si mbrojtës, në hetuesi dhe më gjykimin e

çështjeve penale, ose ne përfaqësimin e pjesëmarrësve në proces në gjykimin e çështjeve civile, në

arbitrazh, në organe të tjera shtetërore për çështje civile a a dministrative, si dhe në raste të tjera të

parashikuara me ligj. Ndihma juridike jepet me këshillime për çështje ligjore me shkrim, me gojë, me

përgatitje të kërkesëpadive ose të kërkesave për ndjekje penale , me përgatitje të kërkesave ankimore

kundër vendimeve gjyqësore, si dhe me përgatitje të kërkesave e ankesave të tjera të shtetasve.

Neni 3