PËR INSTITUTIN E SIGURIMEVE

Lloji: Ligj

Fletore Zyrtare: nr. 5, datë 1991-08-25

LIGJ

Nr.7506, datë 31.7.1991

PËR INSTITUTIN E SIGURIMEVE

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKES SE SHQIPERISE

VENDOS I:

Neni 1

Në Republikën e Shqipërisë veprimtaria e sigurimeve dhe e risigurimeve kryhet nga Instituti i

Sigurimeve (INSIG), që është institucion shtetëror dhe varet nga ministri i Financave.

Neni 2

Sigurimet e detyrueshme catohen me ligj, kurse ato të pronës shtetëror me dispozita të

Këshillit të Ministrave.

Sigurimet vullnetare caktohen nga Instituti i Sigurimeve.

Objektet e rreziqet, tarifat, parimet, rregullat dhe kushtet e tjera që lidhen me sigurimet

miratohen nga ministri i Financave me popozimin e Institutit të Sigurimeve.

Marrëdhëniet e siguruesit me të siguruarin rregullohen me anë të kontratës së sigurimit.

Neni 3

Instituti i Sigurimeve ka të drejtë të bëjë:

a) Sigurimin e investimeve që kryhen në Republikën e Shqipërisë nga personat juridikë a

fizikë të huaj, si dhe të pasurive që lidhen me to.

b) Sigurimin e pasurive të ndërmarrjeve me pjesëmarrjen e kapitalit të huaj, të cilat ushtrojnë

veprimtari ekonomike e financiare në Republikën e Shqipërisë.

Neni 4

Instituti i Sigurimeve bën risig urime me shoqëri të sigurimeve e të risigurimeve të vendeve të

tjera, në bazë të dispozitave të Këshillit të Ministrave.