PËR PËRKRAHJEN SOCIALE PËR PERSONAT QË DALIN TË PAPUNË NGA ZBATIMI I REFORMËS EKONOMIKE

Lloji: Ligj

Fletore Zyrtare: nr. 9, datë 1991-12-27

LIGJ

Nr.7521, datë 30.10.1991

PËR PËRKRAHJEN SOCIALE PËR PERSONAT QË DALIN TË PAPUNË NGA ZBATIMI I

REFORMËS EKONOMIKE

Në mbështetje të nenit 16 të ligjit nr.7491, datë 29.4.l991 " Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI

KREU I

DISPOZITA TË PËRGJITHSHME

Neni 1

Personat e punësuar që për shkak të zbatimit të reformës ekonomike humbasin vendet e punës,

konsiderohen të papunë dhe përfitojnë të drejtën e përkrahjes sociale e të ndihmës shoqërore, si dhe të

ndihmës për aftësimin e tyre profesionale me anë të kualifikimit e të rikualifikimit.

Neni 2

Përfitojnë të drejtën e përkrahjes sociale:

a) Personat që mbeten pa punë nga mbyllja, zvogëlimi e rioganizimi i veprimtarisë së

ndërmarrjeve, të institucioneve të organeve shtet ërore në qendër e në bazë dhe të partive e

organizatave politike e shoqërore të njohura me ligj dhe që kanë vjetërsi pune jo më pak se 3 muaj.

b) Ushtarakët që lirohen nga detyra para kohe si pasojë e riorganizimit të strukturave të

reparteve të Ministrisë së Mbrojtjes, të Ministrisë së Rendit Publik dhe të Shëbimit Informativ

Kombëtar.

c) Specialistët e lartë të bujqësisë që punonin në kooperativat bujqësore dhe që kanë dalë të

papunë nga zvogëlimi, riorganizimi a prishja e kooperativave bujqësore.