PËR ZGJEDHJET E KUVENDIT POPULLOR TË REPUBLIKËS SË SHQIPËRISË

Lloji: Ligj

Fletore Zyrtare: nr. 1, datë 1992-05-10

LIGJ

Nr.7556, datë 4.2.1992

PËR ZGJEDHJET E KUVENDIT POPULLOR TË REPUBLIKËS SË SHQIPËRISË

Në mbështetje të nenve 16 e 17 të ligjit nr.7491, datë 29.4.1991 "Për dispozitat kryesore

kushtetuese",

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Neni 1

Zgjedhjet për deputetë të Kuvendit Popullor bëhen në territorin e Republikës së Shqipërisë me

votim të përgjithshëm, të drejtpërdrejtë, të lirë dhe të fshehtë.

Neni 2

Të drejtën për të votuar e kanë të gjithë shtetasit shqiptarë që ditën e zgjedhjeve mbushin

moshën 18 vjeç.

Të drejtën për t'u zgjedhur deputet në Kuvendin Popullor e kanë të gjithë ata që ditën e

zgjedhjeve mbushin moshën 21 vjeç, kanë shtetësinë shqiptare dhe vendbanim të përhershëm në

Republikën e Shqipërisë.

Neni 3

Nga e drejta elektorale përjashtohen shtetasit, të cilëve u është hequr kjo e drejtë me vendim të

gjykatës për shkak se kanë kryer një vepër penale, si dhe të paaftët mendërisht të cilësuar të tillë nga

gjykata.

Neni 4

Çdo zgjedhës ka të drejtën vetëm të një vote.

Vota e një zgjedhësi është e barabartë me votën e çdo zgjedhësi tjetër.

Neni 5

Deputeti i Kuvendit Popullor nuk mund të jetë në të njëjtën kohë anëtar i zgjedhur apo i

emëruar në organet lokale të pushtetit të administratës shtetërore, si dhe në organet e drejtësisë.

KREU II

SISTEMI I ZGJEDHJEVE

Neni 6