PËR ZGJEDHJET E ORGANEVE TË PUSHTETIT LOKAL

Lloji: Ligj

Fletore Zyrtare: nr. 3, datë 1992-07-14

LIGJ

Nr.7573, datë 16.6.1992

PËR ZGJEDHJET E ORGANEVE TË PUSHTETIT LOKAL

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Neni 1

Organet e pushtetit lokal zgjidhen me votim të përgjithshëm, të drejtpërdrejtë, të fshehtë dhe të

lirë.

Zgjedhja e këshillave lokale bëhet me sistem proporcional në zona me listë shumemërore.

Kryetarët e komunave dhe të bashkive zgjidhen me sistem mazhoritar në zona me lista njëemërore.

Neni 2

Kanë të drejtën e votës shtetasit shqiptarë që ditën e zgjedhjeve kanë mbushur moshën 18

vjeç.

E drejta e votës mund të ushtrohet vetëm në territorin e komunës, të bashkisë ose të rrethit, ku

zgjedhësi ka vendbanimin e tij të përhershëm ose të përkohshëm.

Neni 3

Shtetasit që gëz ojnë të drejtën e votës kanë të drejtë të zgjidhen anëtarë të këshillave lokale

ose kryetarë komune apo bashkie.

Neni 4

Përjashtohen nga e drejta e votës:

a) personat e paaftë mendërisht të cilësuar si të tillë nga gjykata;

b) personat të cilëve u është hequr e drejta elektorale me vendim gjyqësor të formës së prerë.

Neni 5