PËR NJË NDRYSHIM NË KODIN CIVIL TË REPUBLIKËS SË SHQIPËRISË

Lloji: Ligj

Fletore Zyrtare: nr. 3, datë 1992-07-14

LIGJ

Nr.7575, datë 29.6.1992

PËR NJË NDRYSHIM NË KODIN CIVIL TË REPUBLIKËS SË SHQIPËRISË

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Në Kodin Civil të Republikës së Shqipërisë, neni 283 ndryshohet si vijon:

"Kur në banesën shtetërore të zënë nga qiramarrësi krijohet një tepricë sipërfaqeje banimi tej

normës së caktuar dhe kjo tepricë për bën dhomë të veçantë e më tepër, organi ekzekutiv i pushtetit në

rreth ka të drejtë të vendosë për strehimin e shtetasve të tjerë në sipërfaqen tepricë të banimit, ose

lirimin e banesës nga qiramarrësi duke i dhënë atij një banesë tjetër brenda normave për plotësimin e

nevojave të familjes së tij. Për këtë qëllim mund të bëhen edhe adoptime në këto banesa.

Kur qiramarrësi kundërshton vendimin e marrë, nxirret urdhër administrativ. Kundër këtij

urdhri mund të bëhet ankim brenda 5 ditëve te kryetari i organit ekzekutiv të pushtetit në rreth, akti i të

cilit është i formës së prerë.

Sipërfaqet në banesat shtetërore të lëshuara me nënqira nga qiramarrësit trajtohen si sipëfaqe

tepricë banimi. Qiratë e vjelura nga këto banesa kalojnë në buxhetin e shtetit".

Neni 2

Ky ligj hyn në fuqi menjëherë

Shpallur me dekretin nr.250, datë 14.7.1992 të Presidentit të Republikës së Shqipërisë, Sali

Berisha.