PËR SHËRBIMIN E KONTROLLIT TË SHTETIT

Lloji: Ligj

Fletore Zyrtare: nr. 6, datë 1992-12-02

LIGJ

Nr.7597, datë 31.8.1992

PËR SHËRBIMIN E KONTROLLIT TË SHTETIT

Në mbështetje të neneve 16 dhe 41/a të ligjit "Për dispozitat kryesore kushtetuese", me

propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Shërbimi i Kontrollit të Shtetit është organi më i lartë i kontrollit ekonomik e financiar

shtetëror me objekt organizimin, drejtimin dhe realizimin e kontrollit për zbatimin e buxhetit të shtetit,

administrimin e pronës shtetërore, burimet dhe përdorimin e të ardhurave të ndërmarrjeve shtetërore e

të institucioneve, si dhe për përdorimin e fondeve materiale e financiare të dhëna në administrim nga

shteti organizatave shoqërore e politike.

Neni 2

Shërbimi i Kontrollit të Shtetit në përputhje me dispozitat ligjore dhe normat e pranuara të së

drejtës ndërkombëtare, kontrollon ligjshmërinë, rregullaritetin, rentabilitetin, dobishmërinë,

ekonomicitetin dhe efiçiencën e veprimtarisë ekonomiko-financiare shtetërore.

Në ushtrimin e kompetencave të tij, Shërbimi i Kontrollit të Shtetit është i pavarur dhe i

nënshtrohet vetëm Kushtetutës dhe ligjit.

Neni 3

Shërbimi i Kontrollit të Shtetit, në përputhje me kompetencat e përcaktuara nga ky ligj,

ushtron kontroll e kryen revizion ekonomiko -financiar në Këshi llin e Ministrave, ministritë dhe