KODI DOGANOR I REPUBLIKËS SË SHQIPËRISË

Lloji: Ligj

Fletore Zyrtare: nr. 7, datë 1992-09-02

LIGJ

Nr.7599, datë 2.9.1992

KODI DOGANOR I REPUBLIKËS SË SHQIPËRISË

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

PJESA E PARË

DISPOZITA TË PËRGJITHSHME

KREU I

FUNKSIONET DHE ORGANIZIMI I DOGANAVE

Neni 1

Qëllimi i veprimtarisë doganore

Veprimtaria doganore siguron, në të gjithë territorin doganor, mbrojtjen e interesave të

Republikës së Shqipërisë, që lidhen me importin, eksportin dhe tranzitin, me kalimin e kufirit dhe me

qarkullimin e mallrave, me dërgesat postare ndërkombëtare dhe me personat fizikë dhe bagazhet e

tyre.

Neni 2

Territori doganor

1. Territori doganor përfshin territorin tokësor, ujrat territoriale dhe hapësirën ajrore të

Republikës së Shqipërisë.

2. Në territorin doganor të Republikës së Shqipërisë mund të organizohen zona të lira që i

nënshtrohen një regjimi të veçantë doganor, të përcaktuar me dispozita ligjore.

3. Ministri i Financave dhe Ekonomisë, ka të drejtë të caktojë zonat doganore, që i

nënshtrohen një regjimi të veçantë pune.

Neni 3

Organet doganore

Me organe doganore, për efekt të zbatimit të këtij kodi, sipas rastit kuptohet: Drejtori i

Përgjithshëm i Doganave, drejtorët e drejtorive rajonale, kryetarët e zyrave doganore dhe doganierët.

Neni 4

Zbatimi i legjislacionit doganor