PËR GARDËN E REPUBLIKËS SË SHQIPËRISË

Lloji: Ligj

Fletore Zyrtare: nr. 6, datë 1992-12-02

LIGJ

Nr.7602, datë 9.9.1992

PËR GARDËN E REPUBLIKËS SË SHQIPËRISË

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuse", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Garda e Republikës së Shqipërisë është njësi ushtarake e specializuar për ruajtjen e

personaliteteve të larta shtetërore dhe të selive e rezidencave të përcaktuara në këtë ligj. Ajo bën pjesë

në strukturën e Ministrisë së Rendit Publik dhe varet nga ministri.

Neni 2

Garda e Republikës merr në ruajtje:

a) Presidentin e Republikës, Kryetarin e Kryesisë së Kuvendit Popullor dhe Kryetarin e

Këshillit të Ministrave.

b) Zëvendëskryetarët e Kuvendit Popullor, anëtarët e Qeverisë, Prokurorin e Përgjithshëm,

Kryetarin e Gjykatës Kushtetuese, Kryetarin e Gjykatës së Kasacionit, Kryetarin e SHIK -ut dhe

Kryetarin e Shërbimit të Kontrollit të Shtetit.

c) Personalitete të huaja që vinë në vendin tonë me rang të njëjtë me ata që përcaktohen në

shkronjat "a" dhe "b" të këtij neni, si dhe personalitete të tjera të huaj dhe përfaqësues të organizatave

ndërkombëtare, kur çmohet nga Ministri i Rendit Publik.

ç) Rezidencën e Presidentit, selitë e Kuvendit Popullor e të Këshillit të Ministrave dhe

rezidencat e tjera qeveritare që përcaktohen me vendim të Këshillit të Ministrave.

Neni 3