PËR PREFEKTURAT

Lloji: Ligj

Fletore Zyrtare: nr. 9, datë 1993-01-28

LIGJ

Nr.7608, datë 22.9.1992

PËR PREFEKTURAT

Në mbështetje të nenit 16 të ligjit nr. 7491, datë 29.4.1991 "Për dispozitat kryesore

kushtetuese", me propozimin e e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

Neni 1

Për të bashkërenduar veprimtarinë e ministrive e të institucioneve të tjera qend rore në njësitë

administrativo-tokësore, si dhe për të kontrolluar ligjshmërinë e akteve që nxjerrin organet e pushtetit

lokal, krijohen prefekturat. Numri, shtrirja terri toriale dhe qendra e tyre caktohet nga Këshilli i

Ministrave.

Neni 2

Titullari i prefekturës është prefekti.

Prefekti është përfaqësues i qeverisë në planin lokal. Ai emërohet dhe shkarkohet nga Këshilli

i Ministrave.

Që një person të emërohet prefekt, duhet të ketë kryer arsimin e lartë dhe të ketë mbushur

moshën 30 vjeç.

Neni 3

Prefekti nuk mund të jetë deputet, anëtar i këshillave të komunave, bashkive ose të rretheve.

Ai nuk duhet të ketë asnjë funksion tjetër të pagueshëm publik a profesional ose të bëjë pjesë në

shoqëri a institucione me karakter privat fitimprurës.

Neni 4

Prefekti mbikëqyr veprimtarinë ligjore të organeve të pushtetit lokal, në mënyrë që ajo të

kryhet në përputhje me ligjet.

Ndërmjet prefektit dhe organeve të pushtetit lokal nuk ka marrëdhënie vartësie.

Neni 5

Prefekti ka këto kompetenca kryesore: