PËR MIRATIMIN ME NDRYSHIME TË DEKRETIT NR.266, DATË 22.7.1992 "PËR MIRATIMIN DHE ZBATIMIN E BUXHETIT TË SHTETIT TË REPUBLIKËS SË SHQIPËRISË"

Lloji: Ligj

Fletore Zyrtare: nr. 6, datë 1992-12-02

LIGJ

Nr.7616, datë 30.9.1992

PËR MIRATIMIN ME NDRYSHIME TË DEKRETIT NR.266, DATË 22.7.1992 "PËR

MIRATIMIN DHE ZBATIMIN E BUXHETIT TË SHTETIT TË REPUBLIKËS SË

SHQIPËRISË"

Në mbështetje të nenit 16 dhe 28 të ligjit nr.7491, datë 29.4.1991 "Për dispozitat kryesore

kushtetuese",

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Të miratojë me ndryshime dekretin nr.266, datë 22.7.1992 "Për hartimin dhe zbatimin e

buxhetit të shtetit të të Republikës së Shqipërisë".

Neni 2

Dekretit t'i bëhen ndryshimet në nenet përkatëse si më poshtë:

Neni 1, të formulohet: "Buxheti i shtetit është programi kryesor financiar. Pjesët formuese të

tij janë: buxheti kombëtar, buxhetet lokale, buxheti i sigurimeve shoqërore shtetërore dhe i përkrahjes

sociale".

Neni 3, të bashkohet me nenin 10 dhe të formulohet:

"Buxheti kombëtar përfshin të ardhurat, që me ligj derdhen në buxhetin e shtetit dhe

shpenzimet për arsimin, shëndetësinë, kulturën, shkencën, sportet, sigurimet shoqërore shtetërore,

përkrahjen sociale, mbrojtjen dhe rendin publik, shpenzimet për investime, për mbajtjen e aparatit

shtetëror dhe shpenzime të tjera që përcaktohen me ligj.

Buxhetet lokale përfshijnë të ardhurat, që me ligj u lihen atyre dhe shpenzimet për mbajtjen e

administratës shtetëror e lokale, shpenzimet social kulturore, investimet dhe shpenzime të tjera, që

caktohen me ligj".