PËR INSPEKTORATIN E KONTROLLIT TË PËRDORIMIT TË ENERGJISË ELEKTRIKE

Lloji: Ligj

Fletore Zyrtare: nr. 6, datë 1992-12-02

LIGJ

Nr.7619, datë 12.10.1992

PËR INSPEKTORATIN E KONTROLLIT TË PËRDORIMIT TË ENERGJISË ELEKTRIKE

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

Neni 1

Inspektorati i Kontrollit të Përdorimit të Energjisë Elektrike është organ ekzekutiv i

paarmatosur dhe i specializuar për kontrollin e zbatimit të legjislacionit për përdorimin e energjisë

elektrike në sektorin shtetëror e privat nga personat fizikë a juridikë, vendas ose të huaj me seli brenda

a jashtë territorit të Republikës së Shqipërisë, që e ushtrojnë veprimtarinë e tyre në territorin e

Shqipërisë.

Neni 2

Pranë Koorporatës Elektroenergjitike Shqiptare krijohet Inspektorati i Kontrollit të Përdorimit

të Energjisë Elektrike me degët e saj në rrethe, i cili varet nga ministri i Industrisë, Energjitikës dhe i

Burimeve Minierave dhe jep llogari para tij.

Neni 3

Inspektorati i Kontrollit të Përdorimit të Përdorimit të Energjisë Elektrike ka këto detyra e të

drejta:

a) Të ushtrojë kontroll për mbrojtjen e rrjetit elektrik dhetë elementëve të tij nga ndërhyrjet e

dëmtimet e kryera pa leje të ndërmarrjeve shitëse nga persona fizikë a juridikë vendas ose të huaj.

b) Të ushtrojë kontroll për zbatimin drejt të legjislacionitdhe të rregullave të përdorimit të

energjisë elektrike.