PËR PYJET DHE POLICINË E SHËRBIMIT PYJOR

Lloji: Ligj

Fletore Zyrtare: nr. 6, datë 1992-12-02

LIGJ

Nr.7623, datë 13.10.1992

PËR PYJET DHE POLICINË E SHËRBIMIT PYJOR

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese" me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

KREU I

RREGULLA TË PËRGJITHSHME

Neni 1

Ky ligj ka për objektiv administrimin, mbrojtjen, shtimin dhe trajtimin e pyjeve,me

qëllim ruajtjen e mjedisit dhe prodhimin e materialit drunor e të prodhimeve të tjera pyjore.

a) Ruajtja në tërësi e fondit pyjor për funksionin e tij ekonomik, vlerat e veçanta të tij në

mbrojtjen e mjedisit, në rezervat e ujit e në pastrimin e atmosferës, së pjellorisë së tokës, në

aspektin e pejsazhit, në agroturizëm e infrastrukturë.

b) Kontrolli i prerjes së lëndës drusore, në mënyrë që ajo të jetë e barabartë me mundësitë

e rritjes normale të pyjeve, të përcaktuara nëpërmjet projekteve të mbarështimit që janë përpiluar

në përputhje me këtë ligj.

c) Kontrolli për zhvillimin e gjithë sektorit pyjor.

ç) Sigurimi i balancimit midis interesave të gjithë shoqërisë dhe interesave të personave

juridikë e fizikë.

KREU II

FONDI PYJOR, ADMINISTRIMI, ZHVILLIMI DHE TRAJTIMI

Neni 2

Fondi pyjor përbëhet nga pyjet dhe tokat me bimësi pyjore.

Në to përfshihen pyjet shtetërore, komunale dhe private. Fondi pyjor formohet mbi bazën