PËR STANDARDIZIMIN DHE CILËSINË

Lloji: Ligj

Fletore Zyrtare: nr. 6, datë 1992-12-02

LIGJ

Nr.7630, datë 28.10.1992

PËR STANDARDIZIMIN DHE CILËSINË

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I

STANDARDIZIMI

Neni 1

Standardizimi përmbledh veprimtarinë për studimin, hartimin dhe miratimin e standardeve,

parastandardeve, kushteve të projektimit e zbatimit, kampionëve, modeleve, vizatimeve të punës e

recepturave, si dhe drejtimin, kontrollin dhe sigurimin e cilësisë.

Ai shtrihet në gjithë veprimtarinë e personave juridikë e fizikë, vendas e të huaj, që prodhojnë,

ndërtojnë e kryejnë shërbime në territorin e Republikës së Shqipërisë, përveç mallrave që përjashtohen

me dispozita të veçanta.

Neni 2

Standardet janë dokumente në të cilat pasqyrohen kërkesa të caktuara, që ndihmojnë për

organizimin dhe drejtimin shkencor të prodhimit, të ndërtimit e të shërbimit, për forcimin e disiplinës

teknike e teknologjike, për përmirësimin e cilësisë dhe rritjen e efektivitetit.

Neni 3

Sistemi i standardizimit përbëhet nga:

a) Standardi shqiptar (STASH), i cili përcakton kërkesat cilësore të njësuara në bazë të

teknologjive të zbatuara, për lëndët e para e materialet, lëndët djegëse e produktet e gatshme,

ndërtimet, shërbimet, kushtet e ambalazhimit e të etiketimit, të ruajtjes e të transportimit të