PËR FALIMENTIMIN E NDËRMARRJEVE SHTETËRORE

Lloji: Ligj

Fletore Zyrtare: nr. 6, datë 1992-12-02

LIGJ

Nr.7631, datë 29.10.1992

PËR FALIMENTIMIN E NDËRMARRJEVE SHTETËRORE

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KAPITULLI I

DISPOZITA TË PËRGJITHSHME

Neni 1

Falimentimi është një situatë juridike, e cila vjen si pasojë e paaftësisë paguese të ndërmarrjes

për një kohë të caktuar. Falimentimi shpallet me vendim të gjykatës.

Neni 2

Ndërmarrja i nënshtrohet procesit të falimentimit, kur nuk ka aftësi paguese të mjaftueshme

dhe kreditorët i kërkojnë asaj kryerjen e pagesave të prapambetura. Falimentimi kërkohet nga

kreditorët që mbajnë përqindjen më të lartë të borxhit ose nga ministria a institucioni tjetër qendror,

apo nga organet e pushtetit lokal sipas vartësisë së ndërmarrjes.

Neni 3

Objekti i falimentimit është e gjithë pasuria e ndërmarrjes shtetërore, përfshirë edhe atë të

filialeve ose degëve të saj.

KAPITULLI II

GJENDJA E NDËRPRERJES DHE E NDALIMIT TË PAGESAVE

Neni 4

Ndërmarrja shtetërore konsiderohet në gjendje të ndërprerjes së pagesës, kur:

a) borxhet e saj kalojnë vlerat disponibël (kambialet për t'iu paguar, aksionet, titujt,

obligacionet, çeqet postale, mjetet monetare në arkë) ose,

b) ajo s'ka vlera të realizueshme (paradhënie që u ka dhënë furnitorëve, klientëve dhe