PËR NJË NDRYSHIM NË LIGJIN NR.7609, DATË 22.9.1992 "PËR TARIFAT DOGANORE"

Lloji: Ligj

Fletore Zyrtare: nr. 10, datë 1993-01-30

LIGJ

Nr.7654, datë 24.12.1992

PËR NJË NDRYSHIM NË LIGJIN NR.7609, DATË 22.9.1992 "PËR TARIFAT

DOGANORE"

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e një grupi deputetësh,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Neni 17 i ligjit nr.7609, datë 22.9.1992 "Për tarifat doganore" të ndryshohet si vijon:

"Vlera doganore e mallrave të importuara është vlera e transaktuar, që është çmimi i

paguar ose që duhet të pa guhet për mallrat, kur ato shiten për eksport drejt territorit doganor të

Republikës së Shqipërisë. Vlera doganore përfshin çmimin e mallrave, shpenzimet e transportit

dhe ato të sigurimit.

Kur organet doganore konstatojnë që çmimet e mallrave të importit të paraqitura në

faturë, janë nën vlerat minimale të caktuara nga ministri i Financave dhe Ekonomisë, zbatojnë si

vlerë doganore vlerat minimale për llogaritjen dhe nxjerrjen e taksave doganore.

Ministri i Financave dhe Ekonomisë nxjerr vlerat minimale të mallrave të importit të

pranueshme nga organet doganore.

Vlera doganore e mallrave të importuara apo eksportet përcaktohen në deklaratën

doganore, kur mallrat kalojnë kufirin shqiptar".

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.414, datë 8.1.1993, të Presidentit të Republikës së Shqipërisë, Sali

Berisha.