PËR DISA NDRYSHIME NË LIGJIN NR.7514, DATE 30.9.1991 "PËR PAFAJËSINË, AMNISTINË E ISH-TË DËNUARVE E TË PËRNDJEKURVE POLITIKË"

Lloji: Ligj

Fletore Zyrtare: nr. 1, datë 1993-02-28

LIGJ

Nr.7660, datë 14.1.1993

PËR DISA NDRYSHIME NË LIGJIN NR.7514, DATE 30.9.1991 "PËR PAFAJËSINË,

AMNISTINË E ISH-TË DËNUARVE E TË PËRNDJEKURVE POLITIKË"

Në mbështetje të nenit 16 të ligjit nr.7491 "Për dispozitat kryesore kushtetuese", me propozim

të një grupi deputetësh,

KUVENDI POPULLOR

I REPUBLIKËS SË SHQIPËRISË

VENDOSI:

Neni 1

Neni 1 ndryshohet si vijon:

Janë të pafajshëm dhe quhen të padënuar për efekte morale, politike dhe ekonomike të gjithë

personat e dënuar për krime politike, si dhe shqip tarët e dorëzuar gjykatave jugosllave për të njëjtat

motive.

Përfitojnë nga ky ligj dhe të vdekurit në hetuesi, të pushkatuarit pa gjyqe, të vrarët në

përpjekje me forcat e diktaturës dhe në kufi për arsye politike, si dhe ata që janë dënuar për shpifje dhe

fyerje kundër organeve më të larta të shtetit dhe partisë, për shkelje të dekretit nr.7459, datë 22.1.1991

"Për respektimin dhe mbrojtjen e monumenteve që lidhen me historinë kombëtare dhe të simboleve

shtetërore" dhe për shkelje të dekretit nr.7408, datë 31.7.1990 "Për mbledhjet, grumbullimet dhe

manifestimet e shtetasve në vendet publike" deri më 22 mars 1992.

Nuk përfitojnë nga ky ligj:

Të dënuarit për krime kundër shtetit, që kanë qenë në funksione të rëndësishme shtetërore dhe

partiake, sipas përcaktimeve që do të bëjë Këshilli i Ministrave.