PËR SHËRBIMIN E MBROJTJES SË BIMËVE

Lloji: Ligj

Fletore Zyrtare: nr. 1, datë 1993-02-28

LIGJ

Nr.7662, datë 19.1.1993

PËR SHËRBIMIN E MBROJTJES SË BIMËVE

Në mështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Neni 1

Në këtë ligj:

"Inspektor" nënkupton inspektorin e mbrojtjes së bimëve dhe të karantinës.

"Ministër" nënkupton ministrin e Bujqësisë dhe të Ushqimit.

"Parazit" nënkupton dëmtuesit, sëmundjet ose barërat e këqia të dëmshme, ose potencialisht të

dëmshme për bimët a produktet bimore.

"Parazit karantinor" nënkupton një parazit të rrezikshëm me rëndësi ekonomike për vendin, që

nuk është vërejtur ose është vërejtur, por nuk është i përhapur gjerësisht dhe luftohet në mënyrë aktive.

"Pesticid" nënkupton çdo lëndë që përdoret për parandalimin, asgjesimin ose luftimin e çdo

paraziti të bimëve. Ky term përfshin edhe rregullatorët e rritjes, desiktantët, defoliantët dhe lëndë të

tjera që përdoren për mbrojtjen e bimëve e të produkteve bimore.

"Regjistrim" nënkupton prcesin e miratimit të shitjes e të përdorimit të një pesticidi nga

autoriteti qeveritar përgjegjës, që bazohet në vlerësimin e të dhënave shkencore të plota, të cilat

vërtetojnë se pesticidi është efektiv për qëllimet e përdorimit dhe nuk përbën rrezik për njerëzit,

kafshët e mjedisin.