PËR ZHVILLIMIN E ZONAVE QË KANË PËRPARËSI TURIZMIN

Lloji: Ligj

Fletore Zyrtare: nr. 1, datë 1993-02-28

LIGJ

Nr.7665, datë 21.1.1993

PËR ZHVILLIMIN E ZONAVE QË KANË PËRPARËSI TURIZMIN

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

DISPOZITA TË PËRGJITHSHME

Neni 1

Në këtë ligj termat e mëposhtëm do të kenë kuptimin që vijon:

"Veprimtari e stimuluar" quhet çdo nismë që ka për qëllim sigurimin e përfitimeve monetare

nga akomodimi turistik dhe aktivitetet e shërb imet që lidhen me të, duke respektuar një raport të

balancuar mirë ndërmjet mjedisit dhe industrisë së turizmit.

"Person i stimuluar" quhet çdo person fizik a juridik, vendas ose i huaj, i autorizuar për të

kryer një veprimtari të stimuluar.

"Zonë e stimul uar" quhet çdo pjesë e territorit të Republikës së Shqipërisë, që sipas

dispozitave të këtij ligji, do të caktohet si e pëlqyeshme për zhvillimin me përparësi të turizmit dhe të

ushtrimit të veprimtarive të stimuluara.

"Marrëveshje zhvillimi" quhet marrëveshja që lidhet ndërmjet një personi të stimuluar për

veprimtari turistike dhe Ministrisë së Turizmit të Republikës së Shqipërisë për të përcaktuar kushtet

specifike ku do të realizohet veprimtaria e stimuluar, në të cilën përfshihet, veç të tjerave, edhe pagesa

e ndonjë shume si kontribut ose si depozitë që do të bëhet prej kërkuesit.