PËR MBROJTJEN E MJEDISIT

Lloji: Ligj

Fletore Zyrtare: nr. 1, datë 1993-02-28

LIGJ

Nr.7664, datë 21.1.1993

PËR MBROJTJEN E MJEDISIT

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TE PËRGJITHSHME

Neni 1

Mbrojtja e mjedisit përbën një kusht themelor për sigurimin e zhvillimit të shoqërisë dhe një

përparësi kombëtare dhe ka këto elemente kryesore strategjike: parandalimin dhe uljen e ndotjes së

ujit, të ajrit, tokës dhe të ndotjeve të tjera të çfarëdolloji, ruajtjen e shumëllojshmërisë biologjike sipas

bazës natyrore bio-gjeografike të vendit, shfrytëzimin racional të burimeve natyrore dhe shmangien e

mbishfrytëzimit të tyre;

riaftësimin ekologjik të zonave të dëm tuara nga veprimtaria njerëzore ose fenomenet natyrore

shkatërruese si dhe ruajtjen e ekuilibrit ekologjik dhe përmirësimin e cilësisë së jetës.

Neni 2

Në kuptim të këtij ligji:

a) "Mjedisi" është tërësia e elementeve dhe e faktorëve natyrorë dhe njerëzo rë me veprimet

dhe bashkëveprimet e tyre.

Elementet, fenomenet dhe produktet përfaqësohen nga uji, ajri, toka dhe nëntoka, rrezatimi

diellor, organizmat bimorë e shtazorë, si dhe të gjitha proceset dhe fenomenet natyrore që rrjedhin nga

bashkëveprimi i tyre e që kushtëzojnë jetën.

Faktorët njerëzorë përfaqësohen nga qënia e shoqërisë njerëzore dhe veprimtaria e saj

ekonomike e sociale.