PËR PAGAT E GJYQTARËVE, TË PROKURORËVE DHE HETUESVE

Lloji: Ligj

Fletore Zyrtare: nr. 2, datë 1993-03-27

LIGJ

Nr.7668, datë 2.2.1993

PËR PAGAT E GJYQTARËVE, TË PROKURORËVE DHE HETUESVE

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese" dhe të nenit 30 të ligjit nr. 7561, datë 29.4.1992 "Për disa ndryshime e plotësime në ligjin

"Për dispozitat kryesore kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Pagat e gjyqtarëve, të prokurorëve dhe të hetuesve janë sipas pasqyrës që i bashkëngjitet këtij

ligji.

Neni 2

Kryetarët, zëvendëskryetarët, gjyqtarët, prokurorët, zëvendësprokurorët, përkatësisht të

gjykatave të apelit dhe atyre ushtarake, të gjykatave dhe të prokurorive të rretheve, si dhe hetuesit , për

çdo vit pune marrin një shtesë prej 1 për qind mbi pagën bazë deri në 25 për qind.

Neni 3

Gjyqtarët, prokurorët dhe hetuesit ushtarakë përfitojnë vetëm shtesën për gradat ushtarake.

Neni 4

Gjyqtarët e prokurorët e apelit e të rretheve si dhe hetuesit veç pagës së caktuar marrin edhe

një shtesë mbi pagën bazë prej 10 për qind.