PËR DISA NDRYSHIME E PLOTËSIME NË LIGJIN NR.7609, DATË 22.9.1992 "PËR TARIFAT DOGANORE"

Lloji: Ligj

Fletore Zyrtare: nr. 3, datë 1993-04-15

LIGJ

Nr.7675, datë 2.3.1993

PËR DISA NDRYSHIME E PLOTËSIME NË LIGJIN NR.7609, DATË 22.9.1992 "PËR

TARIFAT DOGANORE"

Në mbështetje të nenit nr.16 të ligjit nr.7491, datë 29.4.1991 "Për dispozitat kryesore

kushtetuese",

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Neni 9 ndryshon si vijon:

"Taksat e eksportit për mallrat sipas listës nr.3 bashkëngjitur, shprehen në përqindje ndaj

vlerës së mallrave të eksportuara.

Taksat konkrete për çdo artikull vendosen dhe ndryshohen brenda kufij ve të lartpërmendur

vetëm me vendim të Këshillit të Ministrave."

Neni 2

Në nenin 19, pas paragrafit të fundit, shtohet një paragraf me këtë përmbajtje:

"Drejtorisë së Përgjithshme të Doganave i lihet deri në 2 për qind e të ardhurave doganore

vjetore për t'i përdorur për investime, për përmirësimin e mjediseve të punës dhe për shpërblimin e

punonjësve; shpërblimi të jetë deri në 10 paga mujore në vit.

Masa deri në 2 për qind caktohet nga ministri i Financave dhe i Ekonomisë."

Neni 3

Neni 20 ndryshohet si vijon:

Përjashtimet nga taksat doganore

Përjashtimet nga taksat doganore jepen në këto raste:

a) Për mjetet e huaja të transportit që bëjnë transportin ndërkombëtar të mallrave, pasagjerëve

e bagazheve, si dhe për pajisjet karburantet, furnizimet e bordit, të nevojshme për funksionimin

normal të tyre.