PËR TATIMIN MBI FITIMIN

Lloji: Ligj

Fletore Zyrtare: nr. 3, datë 1993-04-15

LIGJ

Nr.7677, datë 3.3.1993

PËR TATIMIN MBI FITIMIN

Në mbështetje të neneve 13 dhe 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Në këtë ligj, me përjashtim të rastit kur në të përcaktohet ndryshe:

- Fitimi përfaqëson tepricën e të ardhurave mbi shpenzimet e kryera për arritjen e këtyre të

ardhurave.

"Territor" nënkupton territorin që Shqipëria ka në sovranitet, përfshirë ujrat territoriale, si dhe

zonën detare në shelfin kontinental, mbi të cilat Shqipëria në përputhje me normat ndërkombëtare

ushtron të drejtat sovrane e ligjore.

Neni 2

Fitimi vjetor i realizuar nga veprimtaria ekonomike e personave juridikë vendas dhe të huaj në

territorin e Republikës së Shqipërisë, i nënshtrohet tatimit.

Neni 3

Detyrimi për pagimin e tatimit mbi fitimin, shtrihet nga dita e fillimit deri në ditën e mbarimit

të veprimtarisë ekonomike.

Neni 4

Fitimi i tatueshëm është fitimi vje tor që llogaritet mbi bazën e fitimit që pasqyrohet në

bilancin kontabël. Llogaritja e fitimit të tatueshëm, bëhet sipas ligjit nr.7661, datë 19.3.1993 "Për

kontabilitetin" dhe udhëzimeve që nxjerr Ministria e Financave dhe Ekonomisë. Për bashkitë

ekonomike fitimi i tatueshëm llogaritet mbi bazën e fitimit vjetor të çdo ndërmarrje që bën pjesë në

bashkësi.