PËR ADMINISTRIMIN E TATIMEVE DHE TAKSAVE NË REPUBLIKËN E SHQIPËRISË

Lloji: Ligj

Fletore Zyrtare: nr. 3, datë 1993-04-15

LIGJ

Nr.7681, datë 4.3.1993

PËR ADMINISTRIMIN E TATIMEVE DHE TAKSAVE NË REPUBLIKËN E SHQIPËRISË

Në mbështetje të neneve 13 dhe 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Në Republikën e Shqipërisë, administrimi i tatimeve dhe taksave bëhet nga organet tatimore.

Organet tatimore janë Drejtoria e Tatimeve në Ministrinë e Financave dhe Ekonomisë dhe

organet e saj në komuna, bashki e rrethe që varen nga kjo drejtori.

Neni 2

Shpenzimet për mbajtjen e administratës tatimore, si dhe shpërblimet e ndryshme për të,

përballohen nga buxheti i shtetit. Për këtë Drejtorisë së Tatimeve i lihet në dispozicion 0,5 për qind e

të ardhurave vjetore të natyrës tatimore të parashikuara në buxhetin e shtetit.

Neni 3

Kur të ardhurat totale të buxhetit me natyrë tatimore realizohen mbi 100 për qind punonjësit e

organeve tatimore shpërblehen me 10 për qind të shumës absolute të tejkalimit, por jo më shumë se 10

paga mujore në vit. Gjykimi për realizimin e të ardhurave dhe masa e shpërblimit për punonjësit e

organeve tatimore në komuna, bashki e rrethe bëhet nga Drejtoria e Tatimeve në Ministrinë e

Financave dhe të Ekonomisë, ndërsa për punonjësit e kësaj drejtorie, nga Ministri i Financave dhe i

Ekonomisë.