PËR DISA NDRYSHIME NË LIGJIN NR.7583, DATË 13.7.1992 "PËR KOMPETENCAT PËR CAKTIMIN E PAGAVE TË PUNËS"

Lloji: Ligj

Fletore Zyrtare: nr. 5, datë 1993-05-18

LIGJ

Nr.7702, datë 22.4.1993

PËR DISA NDRYSHIME NË LIGJIN NR.7583, DATË 13.7.1992 "PËR KOMPETENCAT PËR

CAKTIMIN E PAGAVE TË PUNËS"

Në mbështetje të nenint 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Neni 8 ndryshohet si vijon:

"Ministritë dhe institucionet e tjera qendrore, rrethet, bashkitë dhe komunat ushtrojnë kontroll

mbi rritjen e pagës mesatare mujore në ndërmarrjet shtetërore, institucionet shtetërore jobuxhetore dhe

pjesërisht jobuxhetore të vartësisë së tyre.

- Nëse ndërmarrja shtetërore, institucioni shtetëror jobuxhetor dhe pjesërisht jobuxhetor rritin

pagën mesatare mujore deri në 5 për qind mbi masën e rritjes në përqindje të miratuar nga Këshilli i

Ministrave në shkallë vendi, nuk zbatohet asnjë sanksion.

- Nëse ndërmarrja shtetërore, institucioni shtetëror jobuxhetor dhe pjesërisht jobuxhetor rritin

pagën mesatare mujore mbi 5 deri 20 për qind mbi masën e rritjes në përqindje të miratuar nga

Këshilli i Ministrave, nuk zbatohet asnjë sanksion, vetëm për rastet kur ajo plotëson edhe kriteret

financiare që caktohen nga Këshilli i Ministrave, përndryshe atyre nuk u lind e drejta e rritjes së pagës

mesatare.

- Nëse ndërmarrja shtetërore, institucioni shtetëror jobuxhetor dhe pjesërisht jobuxhetor rritin