PËR NDIHMËN DHE PËRKUJDESJEN SHOQËRORE

Lloji: Ligj

Fletore Zyrtare: nr. 7, datë 1993-06-12

LIGJ

Nr.7710, datë 18.5.1993

PËR NDIHMËN DHE PËRKUJDESJEN SHOQËRORE

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshilli të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KAPITULLI I

DISPOZITA TË PËRGJITHSHME

Neni 1

Ky ligj përcakton sistemin e ndihmës dhe përkujdesjes shoqërore për t'u dhënë ndihmë

ekonomike familjeve të shtetasve shqiptarë, të cilëve u mungojnë të ardhurat dhe mjetet e jetesës

krejtësisht, ose i kanë ato të pamjaftueshme.

Në rastet kur është e nevojshme dhe e mundshme, në vend të ndihmës ekonomike, ose si

shtesë e saj, ofrohen shërbimet publike të përkujdesjes shoqërore.

Neni 2

Nuk përfitojnë nga ky ligj:

a) shtetasit shqiptarë që banojnë jashtë shtetit;

b) refugjatët e ardhur dhe

c) personat që kanë nevojë për ndihmë emergjente, si pasojë e fatkeqësive natyrore dhe

luftërave.

Neni 3

PËRKUFIZIMET

1. Termi "familje" nënkupton prindërit dhe fëmijët që ata kanë në ngarkim, si dhe çdo per son

tjetër, të cilët bashkëjetojnë ekonomikisht në të njëjtën strehë.

2. Termi "familje e madhe" nënkupton familjen me më shumë se gjashtë anëtarë.

3. Termi "vendbanim" nënkupton vendin ku familja jeton në mënyrë të vazhdueshme. Çdo

familje ka vetëm njëvendbanim.

4. Termi "vendqëndrim" nënkupton çdo vend ku banohet për një kohë të caktuar për arsye