PËR MBROJTJEN E FONDIT TË BIMËVE MJEKËSORE, ETEROVAJORE E TANIFERE NATYRORE

Lloji: Ligj

Fletore Zyrtare: nr. 9, datë 1993-07-30

LIGJ

Nr.7722, datë 15.6.1993

PËR MBROJTJEN E FONDIT TË BIMËVE MJEKËSORE, ETEROVAJORE E TANIFERE

NATYRORE

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Fondi i bimëve mjekësore, eterovajore e tanifere natyrore që rriten e zhvillohen në territorin e

Republikës së Shqipërisë është pasuri kombëtare.

Pronësia dhe administrimi i tyre njësohet me sipërfaqen e tokës ku ato rriten e zhvillohen.

Neni 2

Drejtoria e Përgjithshme e Pyjeve dhe organet e saj vartëse ngarkohen të marrin masa për

mbrojten, shtimin e mirërritjen e bimëve mjekësore, eterovajore e tanifere natyrore. Në sipërfaqet që

janë pronë e shtetit ajo cakton zonat, afatet, llojet, kontigjentet dhe jep lejën e vjeljes e të grumbullimit

të tyre.

Neni 3

Personat fizikë a juridikë që do të vjelin bimë mjekësore, eterovajore e tanifere natyrore, janë

të detyruar të pajisen me lejë nga drejtoria e shërbimit pyjor e juridiksionit ku ato rriten.

Neni 4

Bimët mjekësore, eterovajore e tanifere natyrore që janë në pakësim dhe rrezikohen të

zhduken përcaktohen me listë të veçantë nga ministri i Bujqësisë dhe Ushqimit, në muajin tetor të çdo

viti. Ai shpall ndalimin që këto bimë të vilen, grumbullohen dhe eksportohen për një afat të caktuar,