PËR NJË SHTESË NË LIGJIN NR.7512, DATË 10.8.1991 "PËR SANKSIONIMIN DHE MBROJTJEN E PRONËS PRIVATE, TË NISMËS SË LIRË, TË VEPRIMTARIVE PRIVATE TË PAVARURA DHE TË PRIVATIZIMIT"

Lloji: Ligj

Fletore Zyrtare: nr. 9, datë 1993-07-30

LIGJ

Nr.7723, datë 21.6.1993

PËR NJË SHTESË NË LIGJIN NR.7512, DATË 10.8.1991 "PËR SANKSIONIMIN DHE

MBROJTJEN E PRONËS PRIVATE, TË NISMËS SË LIRË, TË VEPRIMTARIVE PRIVATE

TË PAVARURA DHE TË PRIVATIZIMIT"

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Në ligjin nr.7512, datë 10.8.1991, në nenin 5, në vazhdim të paragrafit të dytë shtohen këto

fjalë: "... si dhe të paraqitin lejet përkatëse të lëshuara nga organet kompetente, sipas përcaktimit që

bën Këshilli i Ministrave".

Neni 2

Subjektet e përcaktuara në nenin 1 që janë të regjistruara në gjykatë, brenda 2 muajve pas

hyrjes në fuqi të këtij ligji, duhet të pajisen me lejet përkatëse dhe t'i paraqitin ato në gjy -katë. Me

kalimin e këtij afati, këto subjekte e humbasin zotësinë për të vepruar.

Neni 3

Ky ligj hyn në fuqi 15 ditë pas botimit të tij në Fletoren Zyrtare.

Shpallur me dekretin nr. 583, datë 26.6.1993 të Presidentit të Republikës së Shqipërisë, Sali

Berisha.