PËR BUXHETIN LOKAL

Lloji: Ligj

Fletore Zyrtare: nr. 15, datë 1994-01-26

LIGJ

Nr.7776, datë 22.12.1993

PËR BUXHETIN LOKAL

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Neni 1

Buxheti lokal është programi kryesor financiar vjetor i pushtetit lokal. Në të përfshihen të

gjitha të ardhurat dhe shpenzimet e përcaktuara nga ky ligj, në përputhje me kompetencat që ka

pushteti lokal në territorin ku vepron.

Çdo komunë, bashki e rreth ka buxhetin e vet. Buxheti lokal është unik dhe përbëhet nga pjesa

e buxhetit të pavarur dhe pjesa e buxhetit të kushtëzuar.

Neni 2

Pjesa e buxhetit lokal të pavarur përfshin të ardhurat që me ligj derdhen në buxhetin e

komunës, të bashkisë e të rrethit dhe shpenzimet socialekonomike e administrative që janë

kompetencë e tyre.

Neni 3

Pjesa e buxhetit lokal të kushtëzuar përfshin pjesën e fondeve të buxhetit qendror që derdhet

në buxhetin e komunës, bashkisë e rrethit për t'u përdorur në destinacion të caktuar dhe që vetëm

administrohet prej organeve të pushtetit lokal.

Neni 4

Viti buxhetor për buxhetin lokal të pavarur fillon në 1 prill dhe mbaron më 31 mars të çdo viti

kalendarik. Viti buxhetor për pjesën e buxhetit lokal të kushtëzuar fillon më 1 janar dhe mbaron më 31

dhjetor të çdo vitit kalendarik.

Neni 5