PËR ÇMIMIN E TRUALLIT QË KOMPENSOHET

Lloji: Ligj

Fletore Zyrtare: nr. 7, datë 1994-07-21

LIGJ

Nr.7832, datë 16.6.1994

PËR ÇMIMIN E TRUALLIT QË KOMPENSOHET

Në mbështetje të neneve 16 të ligjit nr.7491, date 29.4.1991 “Për dispozitat kryesore

kushtetuese”, me propozim të Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSME

Neni 1

Ky ligj përmban kriteret e përc aktimit të çmimit të truallit për efekt të kompensimit të truallit

ish-pronarëve.

Neni 2

Për efekt të këtij ligji, trualli që kompensohet ndahet në:

a) truall brenda vijave kufizuese të qendrave të banuara;

b) truall në zonë turistike.

KREU II

KRITERET E PËRCAKTIMIT TË ÇMIMIT

A. TRUALL BRENDA VIJAVE KUFIZUESE TË QENDRAVE TË BANUARA.

Neni 3

Çmimi për efekt kompensimi (i truallit) që ndodhet brenda vijave kufizuese, do të përcaktohet

në bazë të kritereve të mëposhtme:

a) numrit të popullsisë së qendrës së banuar;

b) vendndodhjes së truallit sipas kategorizimit të zonës;

c) përshtatshmërisë inxhinierike të truallit për të mbajtur struktura ndërtimore.

Neni 4

Çmimi bazë i kompensimit të truallit që ndodhet brenda vijës kufizuese të qytetit të Tiranës

është 800 lekë për metër katror.

Për qendra të banuara me popullsi mbi 20 000 banorë çmimi bazë i truallit është 480 lekë për

metër katror.

Për qendra të banuara me popullsi nën 20 000 banorë çmimi bazë i truallit është 320 lekë për

metër katror.

Neni 5