Për disa shtesa dhe ndryshime në ligjin nr. 8891, datë 2.5.2002, “Për organizimin dhe funksionimin e Komisioneve Hetimore të Kuvendit”

Lloji: Ligj

Fletore Zyrtare: nr. 13, datë 2024-01-19

LIGJ

Nr. 106/2023

PËR DISA SHTESA DHE NDRYSHIME NË LIGJIN NR. 8891, DATË 2.5.2002, “PËR

ORGANIZIMIN DHE FUNKSIONIMIN E KOMISIONEVE HETIMORE TË

KUVENDIT”

Në mbështetje të neneve 78 dhe 81, pika 1, të Kushtetutës, me propozimin e një deputeteje,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8891, datë 2.5.2002, “Për organizimin dhe funksionimin e komisioneve hetimore të

Kuvendit”, bëhen këto shtesa dhe ndryshime:

Neni 1

Në nenin 2 të ligjit bëhen ndryshimet e mëposhtme:

1. Pika 1 e nenit 2 të ligjit ndryshohet si më poshtë:

“1. “Komision hetimor” është komisioni

i ngritur sipas pikës 2 të nenit 77 të Kushtetutës së

Republikës së Shqipërisë dhe që vepron sipas procedurës së parashikuar në këtë ligj.”.

2. Pas pikës 1 shtohet pika 1/1 me këtë përmbajtje:

“1/1. “Çështje e veçantë” është ajo çështje që hetohet në aspektin e kontrollit dhe zbatimit të ligjeve,

të njohjes dhe verifikimit në thellësi të një fenomeni, ngjarjeje apo veprimtarie dhe që nxit iniciativa për

propozime, amendime apo miratime ligjesh, me qëllim parandalimin e fenomeneve negative për

shoqërinë dhe shtetin, si dhe nxjerrjen e përgjegjësive institucionale.”.

3. Pika 6 e nenit 2 ndryshohet si më poshtë:

“6. “Ekspert ligjor” është personi me njohuri të konsoliduara në fushën e hetimit, që zgjidhet dhe

shkarkohet me një shumicë prej 2/3 të anëtarëve të komisionit.”.

Neni 2

Pika 1 e nenit 3 ndryshohet si më poshtë: