Për aderimin e Republikës së Shqipërisë në Unionin Ndërkombëtar për Konservimin e Natyrës (IUCN)

Lloji: Ligj

Fletore Zyrtare: nr. 10, datë 2024-01-17

LIGJ

Nr. 102/2023

PËR ADERIMIN E REPUBLIKËS SË SHQIPËRISË NË UNIONIN NDËRKOMBËTAR PËR KONSERVIMIN E NATYRËS (IUCN)

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në Unionin Ndërkombëtar për Konservimin e Natyrës (IUCN), sipas statuteve që i bashkëlidhen këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 21.12.2023.

Shpallur me dekretin nr. 1, datë 9.1.2024 të Presidentit të Republikës së Shqipërisë, Bajram Begaj

STATUTET, DUKE PËRFSHIRË RREGULLAT E PROCEDURËS SË KONGRESIT BOTËROR TË KONSERVIMIT DHE RREGULLORET

STATUTET

e datës 5 tetor 1948, të rishikuara më 22 tetor 1996 dhe të ndryshuara për herë të fundit më 10 shtator 2021 (duke përfshirë Rregullat e Procedurës së Kongresit Botëror të Konservimit, të ndryshuara për herë të fundit më 10 shtator 2021)dhe rregulloret e rishikuara më 22 tetor 1996 dhe të ndryshuara për herë të fundit më 10 shtator 2021

BASHKIMI NDËRKOMBËTAR PËR KONSERVIMIN E NATYRËS DHE BURIMEVE NATYRORE

Paraqitja e materialit në këtë botim dhe emërtimet gjeografike të përdorura nuk nënkuptojnë shprehjen e ndonjë opinioni nga ana e IUCN-së në lidhje me statusin ligjor të ndonjë vendi, territori ose zone ose në lidhje me përcaktimet e kufijve të tij.

Publikuar nga: IUCN, Gland, Zvicër