PËR DISA NDRYSHIME NË LIGJIN NR.7530, DATË 11.12.1991 “PËR ORGANIZIMIN E SHËRBIMIT INFORMATIV USHTARAK DHE TË SHËRBIMIT TË KUNDËRZBULIMIT NË ORGANET E RENDIT PUBLIK”

Lloji: Ligj

Fletore Zyrtare: nr. 19, datë 1995-01-10

LIGJ

Nr.7882, datë 1.12.1994

PËR DISA NDRYSHIME NË LIGJIN NR.7530, DATË 11.12.1991 “PËR ORGANIZIMIN E

SHËRBIMIT INFORMATIV USHTARAK DHE TË SHËRBIMIT TË KUNDËRZBULIMIT

NË ORGANET E RENDIT PUBLIK”

Në mbështetje të nenit 16 të lig jit nr.7491, datë 29.4.1991 “Për dispozitat kryesore

kushtetuese”, me propozim të Këshillit të Ministrave

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Në ligjin nr.7530, datë 11.12.1991 “Për organizimin e Shërbimit Informativ Ushtarak dhe të

Shërbimit të Kundërzbulimit në organet e Rendit Publik”, në nenin 2, paragrafi i parë ndryshohet si

vijon:

“Shërbimi Informativ Ushtarak, si organ i specializuar informat ivo-gjurmues, organizon

veprimtarinë e tij në Ministrinë e Mbrojtjes, në ndërmarrjen ushtarake, në njësitë e repartet ushtarake,

si dhe në qendrat informative. Drejtimet dhe objektivat kryesor e të punës së Shërbimit Informativ

Ushtarak miratohen nga Këshilli i Mbrojtjes”.

Neni 2

Në nenin 5 hiqen fjalët në fund “si dhe veprave kriminale”.

Neni 3

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.977, datë 9.12.1994 të Presidentit të Republikës së Shqipërisë, Sali

Berisha