PËR NJË NDRYSHIM NË KODIN E PROCEDURËS CIVILE TË REPUBLIKËS SË SHQIPËRISË, NDRYSHUAR ME LIGJIN NR.7537, DATË 17.12.1991 “PËR DISA NDRYSHIME NË KODIN E PROCEDURËS CIVILE TË REPUBLIKËS SË SHQIPËRISË

Lloji: Ligj

Fletore Zyrtare: nr. 11, datë 1995-05-31

LIGJ

Nr.7922, datë 19.4.1995

PËR NJË NDRYSHIM NË KODIN E PROCEDURËS CIVILE TË REPUBLIKËS SË

SHQIPËRISË, NDRYSHUAR ME LIGJIN NR.7537, DATË 17.12.1991 “PËR DISA

NDRYSHIME NË KODIN E PROCEDURËS CIVILE TË REPUBLIKËS SË SHQIPËRISË

Në mbështetje të nenit 16 të ligjit nr.7491, datë 29.4.1991 “Për dispozitat kryesore

kushtetuese”, me propozimin e Komisionit të Ligjeve,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Në Kodin e Procedurës Civile neni 62 ndryshohet si vijon:

“Gjykata e rrethit shqyrton në shkallë të parë me trup gjykues të përbërë nga një gjyqtar e dy

ndihmësgjyqtarë këto çështje civile:

- Paditë për njohjen dhe kërkimin e pronësisë dhe të drejtave reale mbi pronësinë.

- Paditë për pushimin e cënimit të pronësisë (mohuese) dhe për kallzimin e një punimi të ri

dhe të një dëmi të mundshëm.

- Paditë posedimore.

- Kërkesat për miratimin e shoqatave, për likuidimin e personit juridik dhe paditë kundër një

veprimtarie të fondacionit.

- Paditë për kërkimin e së drejtës së emrit.

- Paditë për pavlefshmërinë e një veprimi juridik.

- Paditë që kanë lidhje me administrimin e bashkëpronësisë.

- Paditë për pavlefshmërinë e testamentit, kërkimin dhe pjesëtimin e trashëgimit.

- Paditë që rrjedhin nga mosekzekutimi ose ekzekutimi jo në mënyrën e plotë të detyrimeve,

për shpërblimin e dëmit, begatimin pa shkak, e pagimin e padetyruar.