PËR PUNËT PUBLIKE

Lloji: Ligj

Fletore Zyrtare: nr. 12, datë 1995-06-16

LIGJ

Nr.7933, datë 17.5.1995

PËR PUNËT PUBLIKE

Në mbështjetje të nenit 16 të ligjit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Familjeve me ndihmë ekonomike u ofrohet pjesëmarrja në punët publike për anëtarët e tyre.

Neni 2

Punët publike, në kuptimin e këtij ligji, janë punë të përkohshme që realizohen me

pjesëmarrjen e anëtarëve të familjes përfituese të ndihmës ekonomi ke dhe organizohen nga shteti për

ndërtime elementesh të thjeshta të infrastrukturës, riparime, pastrime dhe mirëmbajtje objektesh të

ndryshme.

Neni 3

Familjeve përfituese të ndihmës ekonomike, anëtarët e të cilave refuzojnë pjesëmarrjen në

punët publike të ofruara, u ndërpritet ndihma ekomomike.

Neni 4

Përcaktimi i pagës, koha e punës dhe sigurimi shoqëror i personave pjesëmarrës në punët

publike, rregullohen në bazë të kontratave të lidhura ndërmjet punëdhënësve dhe pjesëmarrësve në

punët publike.

Neni 5

Këshilli i Ministrave përcakton kriteret e organizimit të punëve publike dhe mënyrën e

financimit të tyre.

Neni 6

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.1107, datë 30.5.1995 të Presidentit të Republikës së Shqipërisë, Sali

Berisha