PËR MIGRACIONIN

Lloji: Ligj

Fletore Zyrtare: nr. 12, datë 1995-06-16

LIGJ

Nr.7939, datë 25.5.1995

PËR MIGRACIONIN

Në mbështetje të nenit 16 të ligjit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Qëllimi

Neni 1

Ky ligj rregullon hyrjen e personave në Republikën e Shqipërisë dhe daljen e tyre prej saj.

Krijon skemën për lehtësimin e emigrimit të rregullt për punësim jashtë të shtetasve shqiptarë.

Rregullon nxjerrjen e vizave, lejet e qendrimit e të punës, dhënien e strehimit, kushtet dhe procedurat

për pranim dhe dëbim për imigrantët.

Subjektet

Neni 2

Subjekte të këtij ligji janë:

a) Shtetasit shqiptarë të njohur si të tillë sipas legjislacionit shqiptar.

b) Personat që trajtohen në nenet e kreut të tretë të përcaktuar në këtë ligj si “të huaj”.

Nuk janë subjekte të kreut të tretë të këtij ligji:

a) Personat që pretendojnë se janë shtetas të Republikës së Shqipërisë, nëse janë në gjendje të

paraqesin një pasaportë shqiptare të vlefshme ose bindin autoritetet përkatëse shqiptare që janë shtetas

shqiptarë.

b) Anëtarët e akredituar të misioneve diplomatike të huaj dhe pjesëtarët e përcaktuar të

familjeve të tyre.

Respektimi i të drejtës ndërkombëtare

Neni 3

Ky ligj njeh dhe respekton parimet e përgjithshme të akteve ndërkombëtare.

Mosdiskriminimi

Neni 4