PËR USHQIMIN

Lloji: Ligj

Fletore Zyrtare: nr. 13, datë 1995-06-26

LIGJ

Nr.7941, datë 31.5.1995

PËR USHQIMIN

Në mbështetje të nenit 16 të ligjit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

DISPOZITA TË PËRGJITHSHME

Neni 1

Qëllimi i ligjit

Ky ligj përcakton kushtet për prodhimin, përpunimin, ruajtjen, shpërndarjen, kontrollin dhe

tregtimin e prodhimeve ushqimore për njerëz, për të mbrojtur shëndetin dhe interesat e

konsumatorëve.

Neni 2

Fushat e ligjit

1. Ky ligj zbatohet në:

a) lëndët e para dhe produktet ushqimore, duke përfshirë edhe pijet, si dhe në lëndët ndihmëse

e shtesat (aditivet) ushqimore që përdoren gjatë procesit teknologjik të prodhimit;

b) përpunimin, ambalazhimin, ruajtjen, transportin, shpërndarjen, pajisjen me certifikatë

cilësie e sigurie, tregtimin, si dhe në inspektimin e kontrollin e produkteve ushqimore për konsum

njerëzor.

2. Dispozitat e këtij ligji zbatohen nga koha e marrjes në dorëzim të lëndëve të para për

përpunim e tregtim.

3. Ky ligj nuk zbatohet për ushqimet që përgatiten në shtëpi, si dhe për duhanin, cigaret dhe

medikamentet.

Neni 3

Përkufizimet

Përkufizimet e emërtimeve që përdoren në këtë ligj, përcaktohen si vijon:

1. Ushqim quhet çdo produkt dhe nënprodukt i destinuar për përdorim njerëzor, me përjashtim

të prodhimeve farmaceutike.